Plastic – ek aisi cheez jo hum sab ki zindagi ka ab ek hissa ban chuka hai. Jaise: bottle, packet, toys, boxes – ye sab kuch plastic ka hain. Lekin kya humne kabhi socha hai ki is ke use se hume kya nuksaan ho rahe hain?
Samundar Mein Har Saal Mar Rahe Hain Jaanwar
Ek dead turtle mila jiske pet mein 80 se zyada plastic bags the. Usne unhe jellyfish samajh ke kha liya, lekin plastic uske pet mein jam gaya aur uski death ho gayi.
Philippines mein ek whale ke pet mein 40 kg plastic mila – jaise: shopping bags, wrappers, rice sacks. Whale bhookhi mar gayi kyunki uska pet block ho chuka tha. source
Plastic Ab Insaanon Ke Khoon Mein Bhi Paya Ja Raha Hain.
2022 mein Netherlands ke scientists ne pehli baar human blood mein microplastics paaye. PET (bottle plastic), polyethylene jaise plastic hamare blood stream mein ghus gaye hain.
Long-term mein yeh plastic cancer, hormone issues aur liver damage jaisi bimariyon ka reason ban sakte hain.
Babies Ko Sabse Zyada Khatra
Baby feeding bottles aur plastic toys se infants ko har din 1.6 million microplastic particles mil rahe hain. Yeh unki brain development aur health ke liye khatarnaak hai.
Socho, ek maa doodh pila rahi hai aur saath hi plastic bhi bachpan mein ghus raha hai.
Gaayein Aur Kutta: Sadkon Par Plastic Khane Se Mar Rahe
India ke cities mein sadkon par bhatakti gaayein plastic ke saath kachra kha leti hain. Postmortem ke dauraan kai baar 30-60 kg plastic unke pet se milta hai.
Kai NGOs ne rescue operations kiye jahan gaayein plastic ke chalte marne ke kagar par thi.
Open Plastic Burning – Saans Bhi Zehar Ban Gayi
Jab plastic burn hota hai, toh dioxin, benzene jaise zehre nikalte hain. Slum areas mein asthma, TB aur cancer jaise cases badh rahe hain.
Yeh sirf environment nahi, hamari saans bhi khatam kar raha hai.
Kya Kar Sakte Hain Hum?
- Plastic bottle ki jagah steel ya copper bottle use karo.
- Plastic bags ki jagah cloth/jute bags lo.
- Jahan plastic pada ho, wahan cleanup drives shuru karo ya NGOs ko report karo.
- Plastic se bane items ki jagah bamboo, mitti, ya paper wale options use karo.
- HelpSeva jaisi sites ka support karo jo environment aur life dono ke liye kaam karti hain.
Ant Mein Ek Sawal...
Socho, jo plastic tumne pani main faka tha, woh ab kisi Gaayein ke pet mein hai... ya kisi fish ke pet mein... ya kal tumhare plate mein microplastic ban kar wapas aayega?
Plastic suvidha hai, lekin agar humne control nahi kiya toh yeh suvidha maut ka sandesh ban jayegi.
– Team HelpSeva
